السلام عليكم ورحمة الله وبركاتكممساء الحب والاشووواق لاغلى واحلى عرايس بهالكوونكيفكم حبايب قلبي ،، عسآكم مرتاحين بسوالله انا يعني ماشي الحال ،، الجو يسد النفس والواحد كل متملل وكملت معاي الحين كتبت الموضوع وانمسح ،، ورجعت اكتبه مرة ثانية المهم ما اطول عليكم بهذرتي كالعاده جايبه لكم موضوع اليوم جديدبس قبل ما ابدا لازم اذكركم الموضوع مجهوود شخصي ما احلل نقله سواء بذكر المصدر او بدونه عاد تصدقون ،،، اليوم وانا اعفس في هالنت شفت مواضيعي بكذا موقع لا وناقلين الموضوع حرفيا كوبي وبيست حتى عبارة اني ما احلل نقل مواضيعي بعد حاطينه يعني صدق ناس ما تستحي على دمها لمتى بنضل ننقل المواضيع تبون تسوون موضوع اشتغلوا اتعبوا عليه مو تبون كل شي جاهز ،، مو شاطرين الا للنقلوياليت بعد يكتبون كلمة منقول ،، الله يسامحكم بسبس جد شي يقهر ،، والا انا غلطانه ؟؟المهم ما اطول عليكم نرجع لمحور حديثنامن فترة كانت عندي مناسبة خاصة وحبيت اوريكم كشختي يومهاكان لوكي باللون البنفسجي واكيد راح اشرح لكم بالتفصيل مكياجي ولبسي واكسسواراتي او شي راح نبدا مع المكياج يالله حياكم معاي ،، باسم اللهاول شي استخدمت الكونسيلر من مايبللينحطيته تحت العين وفوق الجفن وحطيت على المناطق المحتاجة (مثل آثار الحبوب )بعدها حطيت كريم الاساس من سفنتين
نطرت تقريبا 5 دقايق على ماتتشرب البشرة كريم الاساس
وحطيت البودرة (سمر كيك)
وطبعا حطيتها باسفنجة مبلولة
بعدها حطيت اللوز باودر تحت العين عشان احميه من الشدو اللي يطيح
واللوز باودر كان من موناليزا
ومثل ما عودتكم دووم
هذي صورة العين اللي راح اشتغل عليها
(طبعا من رسمي )
الشدو اللي استخدمته كان من ماركة مكياج وكان مخملي
اول شي اخذت الشدو الابيض
حطيته تحت الحاجب ونزلت شوي بعد للجفن الثابت
بعدها استخدمت الشدو البنفسجي
وحطيته على الجفن المتحرك وجزء بسيط من الجفن الثابت
وبديت ادمج الشدو البنفسجي مع الشدو الابيض
واطلع شوي من الشدو البنفسجي لبرى
بعدها استخدمت الشدو الازرق
وحطيت منه خط تحت العين
وحاولت شوي اسحبه لبرى العين تحت الشدو البنفسجي
بعدها استخدمت الشدو الاسود
وحطيت منه خط بسيييط على الجفن المتحرك
وحاولت ادمجه مع الشدو البنفسجي
بعدها استخدمت الكحل الاسود السائل من فلورمار
ورسمت العين بهالشكل
واستخدمت قلم الكحل الابيض الجاف من فلورمار
وكحلت العين من داخل
مسحت اللوز باودر اللي حطيته تحت العين
بعدها رسمت الحواجب وعدلتهم بقلم تحديد الحواجب البني من البودي شوب
وبالاخير ضبطتهم بالماسكرا الشفافه من فلورمار
واستخدمت للرموش ماسكرا XXL من مايبللين
وبالاخير حطيت لمعه بيضا من بورجوا
حطيتها تحت الحاجب وعند مدمع العين
وحطيت جزء بعد في طرف العين نهاية الشدو الازرق
وهذا صار الشكل النهائي للعين
وهذي صورة مقاربة للوك من النت